訓到好晏...對於一個冇乜做運動既人..
前一日行山又游水真係攰到阿媽姓咩都唔知..
就算起左身 d 手腳都係好軟...
係床典典下就有 msg ..
泰雅話已經到左福岡..不過佢趕唔到飛機..
所以係機場等左個幾鐘坐另一班....
落機佢話佢去剪頭髮..
佢個 party 1:30pm 開始..我就同佢傾到1:30..
再諗下去邊...
昨日係潛水識另外個幾位朋友仔要夜晚先出黎...
(因為佢地都話好攰)
所以我就自己去左行下街..
見到MUJI..就當然睇下佢有冇 D 香港冇既野..
最終買左幾 PACK 香薰..一盒有6隻味..
香港個d 係一盒一隻味。。。
食左一個好好食既飯。。（又係食佢地最有名既肉）
但我唔明點解硬係要放ｄ苦瓜落去ｄ配菜到。
真係苦過ｄｅｅ ｄｅｅ
冇耐行行下。愈下愈頭痛。。
就打的回酒店。
點知番到去又訓左一陣。一起身已經係夜晚。
同ｔａｋａ出左去食野。想傾多陣但我個頭頂唔順。好痛
番到去典典下。泰雅就ｍｓｇ我話佢已經番到屋企。
佢知道我頭痛之後。我問佢做緊咩。佢話。。
泰雅：我岩岩出左門口。
我：？？？
泰雅：我拎Ｄ止痛藥俾你。
我：你唔攰？
泰雅：少少。但我仲ＯＫ。你有冇發燒呀？
我：冇
泰雅：１０分鐘後到。
（佢屋企距離我酒店只係１０分鐘車程）
冇耐ＬＯＢＢＹ已經打上黎話會有人黎搵我。
日本既酒店真係揸正黎做
我ＢＯＯＫ左一個人。有人黎搵我佢都會問。
而且會講明唔可以留太耐。
一開門見到佢執得咁正。。（著老西）
我：你唔係已經沖左涼架喇咩？
泰雅：ＨＡＨＡ。你今朝話想睇下我著西裝嘛
（其實我已經冇左回事。只係當時冇咩講。是但ＵＰ）
之後佢就俾藥我。再係西裝袋到好似拎筆咁拎左支探熱針出黎
開左之後就叫我探熱。探熱期間佢去左沖水俾我食藥。
冇發燒。。。
真係好唔知點既情況下。（企係到冇野講但互望）
ｈａｈａ。佢就話。。＂我番去喇＂
佢走左我又爬番上床。
冇耐佢又ｍｓｇ我話佢番左屋企。
傾左一陣。
ｈｍｍｍ。。要好好考慮既問題。
拿。呢個人接二連三咁做ｄ令我好難忘記既事呀下。
