情屎 （一）

前幾日。同一個韓國朋友傾計。。

（話說呢個人。每日除左訓之外。其餘既時間都係拎住個電話同我kakao。但同佢既關係係一個矛盾。有機會再慢慢話俾大家知咩事。）

有日番工。突然佢問我過去既「情屎」但要係sweet既。

我諗左陣。sweet既？真係冇乜。。我既過去係好痛。

第一個男朋友。有暴力傾向。試過有一年情人節佢早到半個鐘。就催命咁催我快 d 搵佢。最終雖然我係準時到達。但有暴力傾向既佢。話左我兩句。我回應佢一句。“你自己早到又係我唔岩？“。嘩。呢頭我講完。個頭佢已經用個頭撞落我個鼻到。第一下暈暈地。第2下d鼻血已經好似倒水咁流。我想走。。佢就話「你走我就殺左你。」最後呢個男朋友係拎摺刀出黎威脅我唔可以分手。我要用網吧電話打俾我叔叔。我叔叔經來電黎拯救我先真正同呢個人告一段落。想起當年避左佢。攪到佢係我屋企棲下執泥想掟上我屋企。（我住一樓）我就好驚。

幾年後我地撞番。之後sms我問我食唔食飯。我問佢“食乜“。佢話“食回頭草“
我俾佢既回應係「仆x啦你」

第2個係。個感覺有 d 誤打誤撞咁。身高不比我高。但我地個種瘋狂真係。
想開始個陣。當然係話「我唔介意」。但到開始左。連拖手都怕俾人眼望望。最終都係分手。頭尾都唔夠一個月。但叫做美麗。因為都一齊欣賞過一個靚到嘔既日出，冇見冇contact 9年。最終佢今年msg我。叫我幫佢搵鑽石求婚。本人仆心仆命咁幫佢搵。。但佢竟然淆底怕一世而宣告行動失敗。。。。

最耐既一個。
呢個人同樓上個個好有關係。佢地本身係朋友。當我同佢分手後佢就開始會同我icq。後尾有排佢個把唔收既口激到我發癲。但最後竟然約我出去。食飯。打機。未開始個陣。通常都會去佐敦個公園坐成晚。試過曖曖昧昧咁坐到天光。但只係傾埋d無聊既野。但內心已經好甜。個時最後我地都冇開始。因為原來佢係有女朋友。有一晚佢sms我話“對唔住。其實我有女朋友。你仲當我係朋友架可？“。。。嘿。。我可以點？ 當然係退出啦。但好難抽身。我冇搵佢但好掛住佢。佢講完我地都冇再contact架喇。一年後。個時已經開始msn。但都會久唔久開下icq。估唔到佢會係到。話說佢都好耐冇開架喇。雖然已經一年。但見佢係到。又想睇下佢會唔會叫我。最後。。。我不停咁望住佢個名。等呀等。點知。。。真係叫我wor。傾傾下。佢就問我出唔出黎食飯？ hmmm。。。食飯。可以既。見下都好。見番又係去打機。佢帶番我去個公園。有日佢星期 6 黎左搵我。借左我家人既車出去兜風。到夜晚。我聽到有電話震既聲。係不停咁震。原來係佢較左震機個電話不停咁響。我多口問佢點解唔聽。佢冇答我。個陣我都冇諗佢做咩。之後再約出黎。佢一手就拖住我。個下個人其實好亂。。想問佢「你女朋友呢？」。但最後都係想等佢自己講。

有一晚。佢個電話又係咁不停咁震。佢都係唔聽。我覺得好不安。我問佢「係唔係你女朋友打俾你？你係唔係呃我呢其實？」 佢話「唔係呀。已經分左手幾個月」。。我話「咁你地攬清楚未？我唔想又。。。」。。佢俾左佢個手提我。叫我keep住。佢話「你keep住。有電話你就聽。」。我覺得佢拋左個ball俾我。但最後我都有keep住個電話。個晚不停有msg send俾佢。內容只係「我愛你我愛你我愛你我愛你我愛你我愛你我愛你」。應該係前度吧。冇耐電話響起。感覺佢好似要一個答案。我就問佢。「你。。。」。。佢就搶問：「你係邊個。」。我答「我係佢女朋友。」。「佢岩岩同我分左手幾個月就有女朋友？」。個個電話傾左好幾個鐘。個一晚之後我地竟然晚晚都會傾電話。（之後佢係直接打我電話）。。勁奇怪呀呢。

廢話小說。唔好話一年後我有機會同呢個人一齊。聽起黎好幸運。原來係恐怖既開始。呢個人同佢一齊好幾個年頭。但我諗介入過我地既「第三者」。應該10隻手指都數唔晒。曾經佢同一個妹妹仔one night stand完。個妹妹好鐘意佢。點知個妹妹打黎喊住同我講。「我搵佢唔到。可唔可以幫我搵下佢。話佢知我鐘意佢。你可唔可能讓佢俾我」。。嘿。。咁都有既？。。唔通我先係第3者？我當然唔係好白痴咁幫佢搵我男朋友叫佢覆人電話啦。我只係好平靜咁同佢講。「不如你攪清楚3個人之間既關係先。我而家都唔清楚邊個先係佢女朋友。而且個選擇權已經唔係我地到。佢都冇搵過我。點都好。。我地只可以等」最後我原諒左我男朋友。個陣好傻咁抱住「冇貓唔食魚」呢個理由。原諒左佢。點知。。。第3者源源不絕。結果當然如朋友所講「點都有一個會令到佢玩到唔識番屋企」。。佢提出分手。。我喊到豬頭咁問佢「點解咁對我」。都曾經唔理尊嚴去佢公司樓下等佢。朋友忠告「如果佢見到你個陣。佢會笑。你就同佢傾下計。如果佢黑面你就走。唔好俾機會佢令自己難堪」 。嘿。。佢見到我係笑架。但我問佢「點解要咁」佢就發癲大大聲話「你踢爆晒我。你知我出去玩。我覺得我自己唔似一個男人。你走啦」。聽完我個反應係。兜巴星左佢一下。佢走左。我就企左係到喊。（當時好夜。我企係官塘海旁喊住打番屋企。嚇到爸爸即刻揸車黎接我。接到我都仲想去搵佢。嘿。想當年既我。真係盲目到問你死未。

分手後3星期。中間有個又係唔比我高既男仔閃令令咁登場。佢出席左我當時公司2日1夜既迪士尼之旅。但出發個晚，阿前度突然打黎問我拎呢樣呢個樣。佢有樣要拎既係我銀包。。我就同個男仔一齊拎落棲。第2日一早打黎問我做緊乜。嗯。。。佢要回頭了。 開一個msn add同我講「我係你低b。你唔好同第2個一齊。」。。冇理會。但有野諗。有日放工個男仔話。「我要ot。但好快番屋企」。「我話冇12點你都唔會番屋企既」最後佢話。。。。
「我8點就番屋企。」
「嘿。。睇下點。」
「如果我8點番到屋企你就做我女朋友」
「。。。。」
「我認真。」
wooo。佢打左一段「高妹」既歌詞。
回家路上。諗定一陣8點應該點做。最後我番到屋企。嗯。。。我係有開msn。但我invisible。最後仲block左佢。。。（事實上冇耐我好後悔。但個晚之後到而家我都冇再同呢個人contact。每次去迪士尼。到而家久唔久我都會諗起呢個人，因為我覺得我欠左呢個人。） 不過我諗佢都block左我msn lu。因為佢個名都冇再係綠燈。長期灰灰咁係條list既谷底。

之後。。有個故事。。。
一個持續左好幾年既故事。 justin聽完之後不停說「好sweet好sweet」


嘿。其實justin這個人。正正擔當緊「8點」那個角色。。。。。
因為最近。我又企左係中間。