已經係第2 次一個人出發去旅行喇。
第一次係韓國首爾。
之後過去首爾探男朋友個 d 唔算啦。
已經係第 2 次出發。但仍然會有人問。。。。
「點解要一個人去？唔怕悶咩？」
「喂。你冇朋友架？」
「一個女仔唔驚咩？」
其實對我答講呢 d 問題。。都係個 d 答案。
「我想一個人睇下出面個世界係點。其實我有好多地方都好weak。所以我想訓練下自己」
「我唔係冇朋友。當然我都會同朋友去旅行。隨時都ok。但一人之旅係每年都會有一，兩次或者無限次」 （廢up中）
上年一個人去首爾。諗番起其實都ok。
因為已經去過。大概都會記得 d 路係點行。
回想起那 5 天在首爾。發現浪費左好多機會同違背左一個人去旅行既目的。
首先。肚仔餓個陣。好想去食左烤肉。我唔怕一個人食。
但我怕。入到去，旁人既目光會係點。
嘿嘿。那時發現。出左門。唔係一句「我係外國人」就大晒。
難道你係外國人。人家就會覺得你一個人食烤肉唔奇怪咩？ （這是我當時既想法）
最後係一間烤肉點。好似鬼魂咁係門外行行企企左好幾分鐘。最後淆底走人食面包。
嗚。望住個望想起烤肉。幾咁可憐。好對唔住個面包。因為我一路食一路諗烤肉。
都冇好好享受過佢既味道。。。好抱歉。 ＝）
那時是 5 月。首爾既天氣係。早上到下午好熱。晚上就好寒下。
記得有個晚上。。會一會一個朋友。。估唔到原來佢係一隻「披住羊皮既狼」
我酒量係好屎。一杯 Soju (仲要已經溝左可樂）。唔夠30分鐘我已經訓左。
起身個陣。我係張床上面。仲要唔係自己個張。係一間時鐘酒店既床。
嘩。。幸好我醒得快。一起身當然係睇下自己仲係唔係「健全」。好彩。全身包到實。
應該一條毛都冇唔見。繼而就見到個「福街」係屎坑沖完個涼走出黎啦。
即時怒叫。「WHAT THE F**K ARE YOU DOING? 」
個「福街」一路同我講「You r drunk ..You r drunk ..」就想推番我落床。
雖然個時都仲有d wing wing地。但我既意志話俾我聽。。我要醒。
之後推黎推去期間。俾佢推左落地。房匙都跌埋。
其實個時我已經大哭架喇。仲要有心愈喊愈大聲。咁樣先會引人注意又可以嚇走個福街丫嘛。
最後暈住跑出街搵的士。暈住咁打俾民宿老闆叫佢講個地址俾的士c機知。
之後個的士c機俾番個電話我後。到番去既過程。斷晒片。（好恐怖。真係乜都唔記得）
番到房。暈到即係就飛上床。訓左好幾個鐘後。一起身就打番香港報平安。
好頭痛。但已經唔驚。hahahaha。。。
hmmmmm。原有打算提少少一個人第一次去旅行。點知打左咁多野。
嘿嘿。呢次我去既地方係細細個睇「戀戰沖繩」已經好想去既沖繩啦。yeah。。
去7日。簡短咁提下那7天重點。
「人生第一次潛水。唔小心用鼻透氣好樣衰咁係海叫 HELP~ 」
「潛水個陣俾人錫左一啖？？？」
「頭痛到人都癲既時候。有人夜媽媽揸車去酒店送上止痛藥加探熱針」
「遇上一個人。又係一見鐘情？」
「誤衝紅燈區。驚到急急腳走。」
「睇住一單“一夜情“發生係一個日本女子同德國男人身上」
「在北部盪失路。」
嘿嘿。。。。。
