昨晚既頭痛減退。。當然又係出去玩既時候啦
泰雅要番工。其他人應該都冇咁早出黎。。
咁我就一個人膽粗粗自己上北部。
嘩。唔好睇個地圖好似好細。d野好近呀。
由酒店行去那霸車站。我大汗dup細汗咁行左40分鐘。。
（說真的。每日由酒店行出黎開始。都唔夠15分鐘。就會出晒汗）
大家真係唔好太信旅遊書講既野。出發前其實search下人家既blog拎d資料仲好
因為書話搭 1.5 小時既巴士我足足搭左 2.5 小時
其實一到繁忙時間就會塞到個人燥底。所以大家都係。。要有心理準備。。
好啦。去到我想去既一個大草原。
（嘿嘿。。我講過我想係一個大草地上訓係到碌黎碌去架嘛。。。）
但最後坐係到。想碌個陣。好怕俾人發現。所以都係打坐咁吸下太陽既精華。
唔係住左好耐咋。20分鐘到啦。有帽同披左塊布。
但我諗再坐落去。我會俾太陽燒死。乾煎呀大佬！！！
一起身見到個環境咁正。好奇心又黎喇。
我想行入少少睇下會唔會有d 咩新發現。。最後行左一條都幾長既路。。
見到一間屋。個感覺都幾可怕。淆一淆。走頭。
點知呢。。。我去到一個分叉路口。就唔記得左行邊條。。＝＿＝“（奶野）
愈行愈唔對路。愈行愈熱。開始有 d 驚。
行到個人就黎想報警個陣。見到有兩個著背心出晒汗面紅紅外國天使（即係鬼佬n鬼婆）
hahahahaha。本小姐口震震（俾人知道盪失路好樣衰架嘛）講：excuse me。。
佢地好nice咁帶我脫離險境。。佢地話佢地係自駕遊。。都係住那霸。
佢地就話車埋我番那霸，我都未講完。佢地架車已經出現係我面前。。
嘩。。。勁咯。。。。。係兩架好大既。。。。單車
hahahaha。。真係估都估唔到。佢地由那霸上黎要踩幾多個鐘。
啊。唔係我唔想坐。而家呢d畫面唔應該係流晒汗。
係應該著 d 好飄逸既衫。一路上俾風吹到飄飄下咁先有一個美麗既畫面。（癲左）
最後佢地車左我去巴士站。我就用手指輕輕抓住阿 mike （那個鬼佬） 既衫。
（由個到行去巴士站大約600m）。到左巴士站道別。同佢地交換mail。
話有機會佢地黎香港。或者我去澳洲就搵佢地啦 。（都係d行野啦）
我會記住你地救左我架。。。嗚嗚。。。我逃出生天了。。
係巴士站。好有衝動想打俾泰雅。話佢知我盪失路。
但最後都係算啦。因為佢同我講既野我都未俾答案佢。
（下一篇我會提下佢講咩）
最終我平安地番到那霸。番到酒店就即係沖涼。沖涼其實係去沖繩既主要項目。
幸好我帶左好多衫可以換。＝P。。一入到酒店個電話收番個wifi已經不停咁。
“katalk。katalk。。。叮噹叮噹。。“ katalk就應該係 Justin 或者係驚我會出事既obba
叮噹就係 Line...100％係泰雅。因為我香港既朋友多數都用wtsapp。
原有既 line 只係放係電話桌面。作用係個綠色icon可以望多兩眼。（綠色對眼好嘛）
我浸住浴。飲住凍凍既green tea。拎住個電話傾傾傾。超梳乎。。
冇耐 taka 就 msg我。話出去食飯飲野。。但泰雅仲未放工。。
出到去。飲飲下。條友冇啦啦“俗“親噴到我地3個都中晒。。
唔該晒。。。＝＿＝“
食完番酒店。拎住個電話。冇耐泰雅就放工
最後佢揸車出左黎同我遊車河。雖然極度眼訓。但都會出去。
又去左中部。佢話中部其實好危險。因為d us army主要既集中地。
佢叫我夜晚一個人最好唔好黎中部。因為佢地大晒架。
係沖繩美國都有份控制。即使佢地強姦左d日本人。佢地只會去美國法院
而唔係日本。hmmmm。。。好唔公平。呢d人應該捉左之後拎去切。。
＋上本小姐對美國人。都幾負面。
又飲starbucks。hehe。。
佢好細心幾乎成日都會問。。「你攰唔攰」
我一話攰佢又即係較低張櫈俾我訓。
我地坐沙灘傾左陣計。嘿嘿。。。佢又問。。。
我仍然冇答。。
回程路上我訓左。番到酒店樓下我自己醒。。
原來已經到左10幾分鐘。一開眼佢係望住我。
（嘩。。。如果佢好似secret garden。。hyunbin咁望住我）
我會先打佢一拳。之後就錫落去。。
wahahahahahahahha。。。講下好喇。。。
hm。。。黎到中段。好快就番香港。。。
（勁多朋友等緊送機個戲劇畫面。）
我會盡快架喇。
沒有留言:
張貼留言