沖繩的第6 天

又係好早就起身。。落大雨又行雷。

但我一d都唔驚。可能因為住3棲聽到樓下仲有人聲掛。

昨晚一場雨。病了3人。

兩個日本女子。泰雅都難逃一劫。

當病人係到休息既時候。我就出去買手信。。

嗚。。因為第2日就要番香港啦嘛。。 

係沖繩。買手信地方真係唔使多。

 一條長長既國際通已經好足夠。

我買左好多星沙。蛋糕。沖繩限定既糖。

最後由兩手fing fing。結果買到兩隻手都唔夠我拎。。
（其實係因為 d 野全部都大大盒）

去左一間coffee shop食左一個勁好味既cake。。

係日本享受佢地 d 服務都夠。。勁nice。。

食完冇耐就俾d 力拎住 d 手信再行下。

之後雙手頂唔順。決定飛的。

番到去。又係一支箭飛左去沖涼。

又係浸。hahaha。又係浸牛奶。又係嘆green tea。又係拎住電話同朋友wtsapp


浸完就開始執下行李。wow。好快就執完。

如果去東京。。。嘿。。我記得試過同前度去東京。明明已經帶個吉喼去

但仍然要買多個喼番。。。。不過而家唔會有呢支歌仔唱。（要控制下自己）

晚上就同佢地食飯。冇計。兩個日本既妹妹又係聽日走。我又聽日走。

即使病都走出黎食下飯。。（沖繩既豬肉真係好好味。好味到冇朋友）

食完飯。。去starbucks飲下咖啡

嘿嘿嘿。。有事發生。不過唔係我身上。

話說都唔係坐左好耐。就有個德國佬問其中一個日本妹拎煙

之後佢地就開始傾計。（明明佢係唔講英文架wor）。奇怪的是。

傾傾下個德國人又自己拎煙出黎。。。okok。。我明。。「搵食」既。。

都唔夠半個鐘。佢兩個就話走先。（去邊我諗都唔使我講明）

最攪笑都唔係呢到。係我地想走個陣。佢同行個位朋友叫我地坐多陣。

有冇攪錯架。。haha。。。開房錢都唔俾。要個朋友留係starbucks。自己番酒店食。

的確可憐。唯有陪佢坐多陣啦。。

粒幾鐘後就走得。。。hahahahaha。。

taiga車我番去，我見佢個樣。佢應該真係好病。

到我番左去。佢番到去send張相俾我。。原來佢已經燒到39.3 度

我想去搵佢。但佢拒絕左我。。

泰雅：「如果你住係呢到。我會想你黎。但你聽日就走。我唔想你番到香港會有麻煩」

我：「唔怕。就算我番到香港真係有d 咩。佢地只會建議我睇醫生。唔會唔俾我入境」

泰雅：「 我可能唔係發燒咁簡單。有可能係流感」

天呀。。係香港人眼中其實都係一件小事。但佢地就睇得咁重。

我：「我都唔怕。你怕咩」

拗左一陣。我投降。佢問我聽日幾點機。

之後我話下12點就出機場。。

佢話。佢會睇情況。盡量去機場送我機。。。


我就繼續執行李。畫畫。

希望第2日會係機場見到佢啦啦啦啦