自從 4 月分手後。很快就復元。（唔係因為自己變左心。而係遇上人生其中一個人渣）我選擇左閃人jei 。。之後屋企有事。要急急腳逃走。去左一個男仔朋友到住（他是獨居的）。點知。幾日間我就怕怕。hmmm。。大家唔好諗多左。只係。。有一晚佢突然同我講“喂。你唔好同你阿爸阿媽講我份工住“。。感覺有 d 奇怪。做朋友。你份工關我阿爸阿媽咩事？即使如果係我男朋友。我鐘意的話。我相信我屋企兩老都唔會有 d 咩問題。。我個刻冇去諗佢點解咁問。因為我唔在意。
直到有日同個朋友出街。佢係咁msg我。之後係msg入面打左句傻豬。我就知道奶野。我係一個係就係。唔係就唔係既人。即時我覆佢係。。“嘩？！傻豬？我想嘔呀喂！叫番我傻仔得喇。“。之後佢又話我諗多左。嘿。係唔係諗多我唔敢去諗喇。一陣如果我真係諗多左。最後得出既結果就係“誤會“。。hmmm。。我冇理到。因為其實我係佢屋企住個幾星期。我都係放工自己食飯。佢番到黎我多數都係係房。唔會出去。
其實起初我知道。我feel到個時。我冇乜特別。佢唔係殺到埋身要我拒絕我都唔會做d 咩。但一家會比較冷漠。我唔想好似俾佢諗錯以為自己有機會。直到。。佢成日冇啦啦叫我飲水。又叫我唔好飲咁多咖啡。我開始覺得有人要入侵我既生活。我好憎咁樣。或者有人會覺得。「妖。人地俾個良心你當狗肺」。可能真係冇個感覺掛。總之佢一迫我飲水我就好反感。
有一晚。佢叫我係廳睇戲。ok la。睇戲jei。。點知佢好老土睇得片。我都知道一定係做埋 d 老土野架喇。我係好驚睇鬼片。但我知道。我有幾驚都好。都只可以攬住自己隻腳。因為。絕。對。冇。可。能。攬。住。佢。「開場」冇耐。佢竟然一手搶我電話叫我唔好再玩。。個下其實我火火地。搶我電話期間。又好老土咁捉住我隻手。我大叫。「得得得。放手先。。」。我坐足全程同佢睇左一套戲。即使我驚。我只係大叫 。好喇。做完喇。我就一句「訓喇。早抖」就自然地行番入房。
第2日。佢話同佢細佬tea。原來都唔係同佢細佬一個。而家同佢細佬個老婆。同佢細佬老婆既家人飲。我叫埋我細佬去。之後就去左佢細佬屋企。開始都好地地同佢細佬個 b 玩。之後。。佢細佬行埋黎問我。「喂。你介唔介意男朋友矮過你架？」。。。hmmm。。又奶野。。我好冷漠咁答。「我唔知喎。我冇試過」。。。佢繼續問：「你都唔細啦。結婚生番個啦」。嘿。我又答。「唔喇。玩人個 d 咪得囉」 我已經知道咩事啦，就係會殺埋身。。。
玩完之後。我就同我個細佬去kln city食飯。送佢走之後我就番西貢。兩個朋友仔黎車我。係車到我同兩個朋友講起佢既行為。我兩個朋友話「唔係嘛。阿叔黎架wor」。呢兩個極口臭既死仔。叫凡盡快搬走。傾傾下。電話到。係佢打黎。佢話佢同佢細佬飲緊野。同埋幾個朋友。＝＿＝“ 我一家唔會去啦。我估佢想玩一招叫「酒後吐真言」掛。我拒絕左佢知道就番左去。之後入屋佢又打黎。。黎喇。。拎住支鎗咁殺埋身。。
我已經唔係好記得佢講左 d 咩。但得人驚既對話我都仲記得少少。佢話。
「其實呢。識左你咁耐都覺得你好叻架。」
（係咩？不過好多人都係咁講）
「你之前為左個男朋友讀韓文。我覺得你好好架」
（下。呢 d 野。好少事）
「喂。其實呢。而家你係我到住。我可以幫你洗bra洗底褲架wor」
（癲左咩。痴咩線呀你）
之後就耍下。就cut左線。個日行雷閃電。我一個人有d淆。所以就同obba傾電話。
傾到我聽到佢番黎。我就扮訓喇。點知。。突然佢開房門入左黎。嘩。。一身酒味。講真。個下我好驚。有咩事發生我一定唔會夠佢黎。佢拎住杯水入黎。。係呀。。。佢又叫我飲水喇。我好hea飲左兩啖。佢話「飲多兩啖啦」。。ok～我飲。飲完喇。佢唔知講咩個朋友又離婚又點。。我都冇出聲。之後佢話。行緊雷wor。你係唔係好驚呀。佢拍我膊頭話“暗“我訓。我點都要扮訓著。。。
第2日。我等佢出左門口我先出去。冇耐佢msg我。問我佢飲醉講左d咩。。嘿。。我話「你冇講過d咩。唔好諗喇。忘記佢啦。」之後我已經搵左第2個地方搬。因為我知道我要即閃。我就順便話佢知。我聽日搬去我表姐到住喇。搬走之前我都冇講過d咩。選擇避得就避。之後我搬走個日。佢就車埋我d 行李去我朋友到「先前提表姐。係因為唔想講係朋友。唔想傷害到佢」我係放工前。係公司我已經叫定d 朋友6：00後即刻就打我電話。等我一程車都講電話。因為我唔想俾佢搵位入。佢一路聽住 d 歌令到我其實都好不安。但我唔會理。因為「冇可能」
到左個朋友到。個朋友入到屋後同我講「喂。唔掂喎呢個。擺明唔係你杯茶。」係。係完全唔岩。我唔鐘意人有龍紋身。感覺好恐怖。加上年紀。而且佢三番四次要改變我生活模式我更加討厭。。
（我好少會蒲。近幾年成日都係屋企畫畫。睇書。上網。讀韓文之後就用多左時間係韓文上）記得第一晚去到佢屋企。佢就話「你黎我到住我要你生活好精彩」其實真係好抱歉。我有我自己既生活方式。唔好諗住我做個d 野就等同一個「宅女」。其實我都有想出去玩既時候。但唔多。我愈來愈愛靜。。。。就係咁。。。
係朋友屋企坐定定。開電腦。竟然收到佢係facebook既msg。係表白既msg。內容有點令人打冷震。但唔會係到多講。我想選擇唔理。好喇。到我要沖涼。開行李喇。入到竟然有一幅佢自己畫既畫。畫俾我既畫。但個一刻。我冇被感動。而且好嬲佢開我既行李。。。
雖然已經去左個朋友到。佢都已經表明。但係佢仍然會wtsapp我。係我facebook見到我打status佢都會問咩事。起初我都仲ok。希望我唔講野。唔直接拒絕都可以做得番朋友。（大家都知。呢 d 關係好多時到最後都係陌路人）但佢仍然會試。例如。
他：「我搵日車你番屋企。等你見下你屋企人。煮seafood俾佢地食。」
（我開心只係可以見到我爸爸媽媽。如果佢認為咁樣可以lun 掂我爸媽。佢就錯了。我爸媽係呢方面。從來都唔會俾意見。個女自己鐘意邊個。咩人。一切都會尊重我。）
他：「我想學結他」
我：好呀
他：「學完等你去完韓國番黎陴俾你聽」
我：（好決絕）唔使！
或者大家認為我咁樣好衰。。但。。我唔拒絕。佢只會繼續為我做。
（下一篇你地就知我其實有點自摑咀巴）
最後佢係wtsapp問我。有冇咩想同佢講。好。。既然佢要一個答案。我就俾。我用番facebook去覆。內容其中一句係「我一分鐘都冇俾自己考慮過」。有朋友說好絕。有朋友說好。因為夠清楚。雖然係拒絕左。但佢仍然有wtsapps我。直到有日早上。佢打電話俾我既時候。見到來電。我決定唔再接。直到現在。我地已經冇聯絡。。
最後。經我身邊既朋友說。。放心啦。男人傷心最多3日。
說得超中。最近佢拍拖啦。：）祝福他吧
沒有留言:
張貼留言